瑞士。山度士表

從來唔係鍾意買名牌的人, 手表對我尼講, 係一件報時為主, 襯衫為次的工具。一路戴開隻雜嘜表, 一路都為準時報到, 直至有日經過一間老舊表行, 見到係一位傷健人士幫人整表, 就好奇咁走左入去。
唔入由自可, 一入到去周圍望下, 竟然比我望到一隻幾靚的表。望望牌子, 叫做Sandoz山度士, 咦,

唔係踢波架咩? 都唔緊要, 望下價錢, 都係千零蚊, 仲要寫住係Swiss Made! OK喎, 呢個價位買到隻瑞士做手表! 咁就問下老闆隻表, 佢話睇岩有八折, 計埋唔駛一千, 真心抵買!
即時都無買到, 番屋企做左少少功課, 知道原來呢隻瑞士表, 只係香港品牌, 用瑞士機芯(係咪好Pro?), 仲係藍寶表面...唔緊要啦, 而家D唔知咩大陸表都過千啦, 有咁質素, 夫復何求!?
過幾日去買, 戴到上手果一下滿足感...
有時快樂其實唔駛好多錢...