淺談改裝

無論男女車主, 總愛幫自己部愛車打扮一下, 可能加啲小飾物, 換下車軨, 換下LED燈...等等.

再進一步, 而都係以男性為主, 就係進行性能改裝。

可能好多人都會話, 架車好地地, 做咩要改裝? 而且, 好多改裝左的車, 有時駕駛態度係黑人憎D。


不過撇開司機因素, 點解要改車? 如果你係一個原裝L, 連換隻冬菇都覺得係罪, sorry以下內容唔岩你。如果你係對汽車改裝有興趣, 歡迎一齊理性討論。

先講番, 點解改車? 簡單而言, 原廠做一架車出尼, 除左果D跑車之外, 大部份都係做比一般人駕駛, 所以性能上好大程度上係"被和階"左。

所以好多時, 換下所謂"高流量"風格, 換下喉等等, 除左話嘈之外, 對於架車"呼吸" 的確係有好大幫助, 情形同一個人呼吸暢順跑得快D同一道理。一吸一排做好左, 都需要好多其他配合去發揮部車最大潛能,例如: 行車電腦 (等如人個腦)去調整硬件上o既改動, 強化引擎部件, 強化冷郤系統, 強化懸掛(避震), 優化車身擾流, 等等...呢D稍後會同有興趣朋友慢慢再講交流心得。