寫給作為車主的你您妳和李

(講洗車)
係香港地, 身為一個車主, 啲人成日覺得你係一個"有閒階級", 錢多到買架車尼供養。
當然, 好大部份車主買架車番尼的確會擺係停車場, 放假先喳出去飲下茶兜兜風, 但都有一部份人好似小弟咁喳私家車係為公事。日日係咁喳, 雖則講唔上有咩專業心得, 但係咁多年以尼唔多唔少都積累左一啲經驗可以同各車友分享分享。
架車擺係度, 最緊要係咩呀? 梗係乾淨啦! 我聽過不下一萬個人講: "X$#&YZ, 次次洗完車就尼落雨, 唔通真係連個天都唔鍾意我?"

OK, 老友, 我唔係責怪你怨個天, 事實我幾乎每次洗完車第二日都一定落雨...不過諗深一層, 如果唔落雨, 又邊有水比我地洗車? 邊有動力令我地去洗車?
如喇, 我知你實係度鬧緊我, 粉腸, 講咁多癈話, 入正題未呀?!!!
好, 既然大部份男人都唔鍾意前奏鍾意一來埋牙, 就入正題..."洗車"

人人都想架車立立令

係香港地, 除左小部份有錢人有個私家花園洗車之外, 超過99.99999999% 車主都會係自己個豆腐渣車位度洗洗抺抺, 或者走去油站公廁出面打水洗車。拿, 我唔係鼓勵人係公家地方攞水洗車, 不過有時我見到佢地洗車啲方法, 實在令我"痛心疾手".......(下刪一千點)
簡單講, 男雞宝同紅雞煲係用尼洗碗碟同拖地, 唔係用尼洗你架名貴房車/爆改MK車果浸面油。
然則, 你會問, 咁用咩洗車呀? 其實好簡單又好老土, 你去到任何一間油站超市什至咩布街果啲專門店, 買支洗車用清潔液, 開水用尼洗車, 已經係最好最乾淨。
咁點洗先係最保護到浸面油同力架無咁易刮花呢? 完全唔花唔係唔得, 不過我地呢啲凡夫俗子, 無謂追求咁完美啦...如果你認同, 以下一啲經驗可能岩你睇...:

1. 有水喉沖洗最好, 先由頂而下沖洗一次...咁積係頂啲泥塵就會被沖走
2. 若果好似大部份車主咁, 停車場唔可以沖洗的話, 試下用呢個兩桶水方法洗車:
   i. 準備兩桶水, 一大一細。大果桶水功能同平時一樣, 開左洗車水用尼抹走啲污漕。記緊要由平面開始(即係車頭冚, 車頂, 尾箱), 由上而下抹落去。咁可以有效將啲沙泥先抹走, 記住抹一下,係抹一次, 唔好來回咁抹, 唔係塊毛巾就好似沙紙咁幫你省車漆...
   ii.咁筒細水有咩用呢? 其實係用尼過塊抹左沙泥的污漕布架, 抹完車, 塊布用細桶水過一過, 就唔會將啲沙泥溝埋落洗車水度喇..
3. 抹車身次序, 可以簡化為: 頭冚 > 車頂 > 側鏡 > 兩邊沙板車門 > 車頭泵把 > 車尾揼把...
各巴打可以試試用呢個方法, 小弟過去幾年養深色車, 用呢個兩桶水洗車法都可以KEEP住車身無太多蜘蛛網, 值得一試架!
抹完車, 有車友仔問, 咁打臘呢? 好, 有機會會同你地分享點打最好.